asrarnet .com تسجيل ايميل في سكايبي| جوجل ميل | الفيس بوك |سكايب: تسجيل ايميل جديد في ياهو register new yahoo mail

هنبدأ اول درس من دروس حماية الايميل من السرقة والإختراق، وفي البداية هنبدأ نعرف كيفية عمل ايميل على الياهو وطبعا الدرس مشروح بالصور ومبسط جدا ده عشان (ناس كتير) متعرفش ازاي تعمل ايميل على الياهو .

اول حاجة ندخل علي الصفحة الرئيسية لياهو Yahoo اضغط هنا زي الصورة اللي جاية ونضغط علي كلمة

sign up ودي بالعربي يعني تسجيل او حساب جديد او اشتراك وده الفرق بينها وبين الكلمة التانية اللي علي شمالها في الصورة (sign in)

ودي معناها الدخول لحسابك يعني (sign up) لو انت عاوز تسجل حساب جديد فى ياهو و (sign in) للدخول لحسابك او لإيميلك

نضغط على كلمة sign up





هتظهر صفحة تسجيل ياهو ودي المطلوب مننا نملى البيانات المطلوبة دى (لاحظ الأرقام الموجوده علي الصورة مشروحة بالتفصيل تحت الصورة).









my name : حط اسمك الأول والتاني وخد بالك الأسم اللي هتكتبه هيظهر لاي حد هتبعتله رسالة من ايميك وطبعا ممكن تغيره بعدين

1: male ذكر ، female انثي

2:تاريخ الميلاد

3: الدولة

4: الرمز البريدي (لو كنت من سكان جمهورية مصر العربية وعايز تعرف رمزك البريدى اضغط هنا )

لو مش عارف الرمز البريدي ممكن تكتب اي 5 ارقام مثلا (12345)

5 : ده عنوان الإيميل بتاعك وده طبعا اهم حاجة هيكون بالشكل ده asrarnet@yahoo.com



لكن yahoo. com@ متكتبهاش موجوده جاهزه قدامك

6: check اضغط عليها عشان تعرف اذا كان اسم الإيميل مستخدم ولا لأ طبعا لو مستخدم بيكتبلك

Sorry, no ID suggestions are available

7: دي كلمة السر ودي مهمة جدا فى حماية الايميل من السرقة او الإختراق كل متكون كلمة السر كبيرة هيكون افضل حاول كمان كلمة السر متبقاش سهلة او متوقعة يعنى متكتبش كلمة السر 123456

حاول تكون كلمة السر فيها كلمة وارقام ورموز

يعني ايه؟؟

يعنى مثلا

amir12**

8: دى بتوضحلك اذا كانت كلمة السر قوية ولا لأ ، بعد متكتب كلمة السر بتلاقي ياهو لوحده بيوريلك قوة الباسوورد و طبعا الأفضل

تكون علي الدرجة الرابعة زي الصورة دى (الباسوورد دى عبارة عن كلمة ورقم ورمز )

الرموز زى )(*&^%$#@!~

ودي عن طريق الضغط علي shift + الأرقام الموجودة فوق الحروف فى لوحة المفاتيح



9: اكتب نفس كلمة السر تاني

10 : طبعا فيه احيان كتير بننسي كلمة السر او اسم الإيميل في الخانة دى هنحط ايميل تاني في حالة نسيانك كلمة السر هيبعتهالك علي الايميل لو معندكش خلاص متكتبش حاجة .

11: نفس الفكرة بردو بس المرادى اختار اي سؤال من القائمة وخليك فاكرة كويس

12: اكتب اجابة السؤال الأمني (طبعا اي سؤال واي اجابة تكون مناسبة ليك وتفتكرهم )

13: سؤال امني تاني (اختار اي سؤال براحتك )

14: اجابة السؤال التانى

15: اكتب الحروف اللى شايفهم في الصورة اللى تحت المربع

16:اضغط علي المربع الصغير اللي عليه دايرة

وفي النهاية اضغط علي كلمة create my acoount



بعد متخلص ده كله وتشوف الصورة اللي جاية دي يبقي انت نجحت في عمل ايميل عليى الياهو

اضغط علي كلمة continue

1:اسمك

2: sign out يعنى لو عايز تخرج من ايميلك

3: اضغط علي Yahoo! Mail عشان تدخل لإيميلك





اضغط زي الصورة علي Go to Mail Classic





زي مانتو شايفين في الصورة (Inbox (1 ودى يعني عندك رسالة واحدة في الانبوكس مش مقروءه



وبكده نكون اتعلمنا كيفية تسجيل ايميل جديد علي ياهو